開幕及閉幕禮

開幕禮

 

於疫情關係，雖然今年無咗開幕禮，但鮮浪潮主席杜琪峯先生同埋開幕嘉賓導演真利子哲也都有啲說話說同大家講：

-----------------------------------------------------------
開幕致辭：

 

各位觀眾、所有參賽嘅年輕電影工作者，大家好！因為疫情關係，今年「鮮浪潮國際短片節」開幕典禮好抱歉冇辦法實地舉行，只能夠改喺網上同大家見面。雖然係咁，我好相信呢一切都無阻大家對電影嘅堅持同信念。電影從來就需要無比嘅意志同決心，去克服充滿住困難嘅每一刻，仲有係團隊嘅精神。越係困難，只會越顯示出電影嘅力量。喺呢個層面上，我地所有「鮮浪潮」工作人員都同大家企喺同一陣線。同樣因為疫情，今年嘅開幕嘉賓真利子哲也導演同埋兩位新銳導演林亞佑、梁秀紅都冇辦法喺節期嚟到香港，但係唔緊要，我地會等疫情過後，搵時間請佢地再嚟同大家交流。不厭其煩都要講多次：「鮮浪潮」係大家嘅第一步，而家跨過了，只要繼續前行，就一定可以搵到以後嘅路。僅以此互勉之。

 

最後，多謝以下長期支持「鮮浪潮」嘅機構。佢哋係：
民政事務局、香港藝術發展局、劉鑾雄慈善基金、ViuTV。

 

「鮮浪潮電影節」主席
杜琪峯

-----------------------------------------------------------

 

開幕嘉賓導演

真利子哲也

 

 

 

閉幕暨頒奬典禮*
日期︰20.6.2020（星期六）
地點︰香港逸東酒店

*只限獲邀人士進場